|
ค่าวจวนกิ๋นผัก ความสุขของมวลผองมนุษย์เขาได้สมมุติสูงสุดไว้สาม
คือกิ๋นอิ่มต๊อง
แล้วต้องติดตาม สมหวังในกาม งามด้วยเกียติร์ฮั้น กิ๋นเกียติร์และกามสามอย่าง เต่าอั้น คนต้องก๋านมัน แน่ไซร้ หากเฮามีกิ๋น ทรัพย์สินมีใจ้ มีคนน้อมไหว้ศรัทธา ก็เหมือนจีวิต
สมบุรณ์แล้วหนา ความทุกข์นานา บ่ มากร๋ายใกล้ อู้เรื่องกิ๋นเลี้ยงต๊อง เลี้ยงใส้ ของมนุษย์ในลุ่มฟ้า เพราะว่าขี้ปุ๋ม คนเหมือนป่าจ้า ซากสัตว์ถูกฆ่าเรียงราย เฮาอยากกิ๋นจิ้น ก็ฆ่ามันต๋าย หมูหมา งัวควาย กิ๋นไป บ่ หย้าน กุ้ง หอย ปู๋ ปล๋า แมงดา ไก่บ้าน กระต่าย เห็นฟาน ฮอก แป๊ะ เปิดห่าน ไก่งวง ตั๋วหลวง ตั๋วแคะ กว๋างและกบด้วง มดแดง บางคน ซ้ำฮ้าย บ่ ปิ้ง บ่ แก๋ง กิ๋นดิบ กิ๋นแดง อย่างลาบ ลู้ ส้า อยากได้ตั๋วไหน ก็ไล่เข่นฆ่า น่าเวทนา ยิ่งนัก ในนิยายธรรม เปิ่นว่ามียักษ์ มันมั๋กไล่ฆ่า กิ๋นคน ฉีก จิ้น เนื้อ บ่ เหลือดูกขน บ่ เผา บ่ ลน ลืนลงต๊องไส้ ยักษ์แต่ละตั๋ว น่ากลั๋ว แต้ใบ้ นิยายเรื่องใดก็แล้ว แต่ที่สุดหนา บ่ กา กาดแก้ว ต้องก้าน หน่อแก้ว พุทธา บ่ เดี่ยวนี้ยักษ์ สูญพันธุ์ แล้วหนา กลับชาติ เกิดมา เป๋นคนหมดเจ้า ชอบกิ๋น จิ้นปล๋า อาหารกับข้าว กิ๋นตามใจเฮา ชอบมัก กึ๊ดผ่อหื้อดี เฮานี้เหมือนยักษ์ ที่ฮัก ต๊องไส้ ก๋ายา
เบียดเบียนจีวิต งัว ควาย ไก่ปล๋า หวังต่อจีวา ของตั๋วเท่าอั้น จีวิตเฮายืน สัตว์อื่นกลับสั้น ถูกคนฆ่าฟัน บั่นเนื้อ สัตว์บางอย่างหนอ บ่ เหลือ แป๋งเจื้อ เพราะคน
บ่ เอื้อ เอ็นดู นกอยู่ต้นไม้ ไหนซ่อนรังหนู ปล๋าเหยี่ยนอยู่ฮู ยังฮู้ถูกฆ่า กบเขียด จ๋ำศีล ปั้นดินปั้นหญ้า คนก็ขุดมาเลี้ยงต้อง ที่เปิ่น เปรียบมา นั้นหนา ปี่น้องก็ตึงถูกต้องนอนาย ต้องคืดป่าจ้า ของสัตว์ตังหลาย บ่ ฮู้กี่ราย ก๋ายอยู่ในฮั้น หากผีสัตว์มี คงจะอึดอั้น หลอกเฮาตึงวัน บ่ ฮู้ ก็ฆ่าเขาต๋าย เอาไปยัดยู้ จนปออุดอู้ ไขมัน อยากจวนปี่น้อง ล้างป่าจ้ากั๋น งดสักสิบวัน เนื้อสัตว์กับข้าว มาลองกิ๋นเจ กิ๋นผักพ่องเจ้า เป็นกุศลเฮายิ่งนักไว้จีวิตเขาเหล่าสัตว์น่าฮักจักลดบาปได้โดยตรง กิ๋นผักกิ๋นไม้ ได้อานิสงค์ โรคภัยลดลง บ่ เจ็บ บ่ ไข้ สารก่อมะเร็ง กระเพาะลำไส้ มักตรวจ ปะในเลือด ของลำ บ่ ลำ ฮู้ตึ๋กป๋ายลิ้น ลืมแล้วก็สิ้น ความลำ
ขอจวนมิตรฮัก กิ๋นผักประจำ เพื่อลดการทำ บาปก๋ำ ตวยเจ้า สุขภาพดี บ่ มี หมองเศร้า เนื้อตัวก็เขาพี่น้อง ค่าวล้านนา ฮ่ำมาเรืองต้อง แม่น บ่ ถูกต้องกำใด ขออภัย กั๋นไว้เท่าอี้ เท่านี้ แหล่นายเฮย | 
/1 
ค้นหาสมาชิก
ดันกระทู้
ปักหมุด
ล๊อคกระทู้
การ์ดเสียงดัง
變色卡
顯身卡
เจ้าของ
